Kuvendi vendos të hënën mbi arrestin e Berishës, Rithemelimi njofton protestë

Në mbledhjen e Kryesisë së Rithemelimit është vendosur të zhvillohen protesta ditën e hënë para kryesisë së Kuvendit dhe të enjten para Parlamentit.

Të hënën do të mblidhet Këshilli i Mandateve ku do të shqyrtohet kërkesa e SPAK për t’i hequr imunitetin Sali Berishës. Ndërsa e enjtja shënon edhe seancën e fundit në Kuvend për këtë sesion parlamentar.

Ish-kryeministrit i ishte caktuar masa detyrim paraqitje çdo të hënë, por ai kishte refuzuar tre herë resht të paraqitet para SPAK-ut, duke pretenduar se vendimi ishte në shkelje të Kushtetutës.

Në këto kushte SPAK ka ndryshuar masën nga detyrim paraqitje në “arrest në shtëpi”.

Kujtojmë se Berisha është i pandehur për aferën e privatizimit të ish-kompleksit sportiv Partizani, së bashku me dhëndrin e tij Jamarbër Malltezi.

LEXONI GJITHASHTU: 

• Kontrollet në banesën e gazetarit Qyno, SPAK: Publikoi biseda të SKY nën hetim
• SPAK kërkoi arrestimin, Spiropali: Berisha ka sfiduar drejtësinë, tani të përballet