La Liga, pezullohet Bellingham pasi u konfliktua me gjyqtarin e ndeshjes

Episodi i regjistruar në fund të ndeshjes me Valencian i ka kushtuar mesfushorit Jude Bellingham, me këtë të fundit që është dënuar nga disiplina në La Liga.

Britaniku është pezulluar për 2 ndeshje, ndërsa do të mungojë në sfidat që Reali i Madridit do të luajë ndaj Celta Vigos dhe Osasunës më 10 dhe 15 mars.

Në një pikë ku Reali i Madridit kërkon vijushmërinë në kampionat, në mënyrë që të shkëputet nga Girona e Barcelona, mungesa e mesfushorit cilësohet si shqetësim për Carlo Ancelottin.

7 pikë para Gironas dhe 8 nga Barcelona nuk janë shumë, kur mbeten ende ndeshje për tu luajtur në elitën e futbollit spanjoll. Pavarësisht mungesës së tij, tek madrilenët nuk mungojnë alternativat, por nuk duhet harruar 20-vjecari është shënuesi më i mirë në kampionat me 16 gola dhe 3 assiste.

I gjithë episodi i pezullimit lidhet me përfundimin e ndeshjes me Valencian, e mbyllur në shifrat 2-2.

Bellingham u afrua ti kërkonte llogari gjyqtarit të ndeshjes, me këtë të fundit që i tregoi kartonin e kuq, ndërsa ndeshja kishte përfunduar. Sipas reagimit të bërë nga La Liga, futbollisti ka ofenduar gjyqtarin dhe jo vetëm ka shkuar ti kërkojë atij llogari për një gol të madrilenëve, i anulluar pasi ishte shënuar pas vërshëllimës së trefishtë.

LEXONI GJITHASHTU: 

• Rusia e fut në listën e “terroristëve” kritikun e Kremlinit, Garry Kasparov
• Ministri i Financave Ervin Mete paraqitet në SPAK, për çfarë u mor në pyetje