Lajçak takohet me Vuçiç në Beograd, zbardhen kërkesat e presidentit serb

Miroslav Lajçak, i dërguari i posaçëm i Bashkimit Evropian për dialogun Kosovë-Serbi, pas takimeve në Prishtinë ditën e djeshme është takuar këtë të të mërkurë me presidentin serb Aleksandër Vuçiç.

Përmes një postimi në Instagram, presidenti serb ndau një foto nga takimi dhe bëri me dije se në fokus të diskutimeve ishte ulja e tensioneve në veri të Kosovës.

Vuçiç deklaron se këkoi nga emisari i BE-së zbatimin e marrëveshjeve të arritura deri më tani në kuadër të dialogut që ndërmjetësohet nga Bashkimi Evropian.

“Diskutova me Miroslav Lajçak për situatën në Kosovë dhe mënyrat për qetësimin e tensioneve në terren dhe zbatimin e marrëveshjeve të arritura deri më tani. Edhe një herë paralajmërova se populli serb në Kosovë është i ekspozuar ndaj torturave dhe persekutimeve më të rënda në 15 vitet e fundit dhe ripërsërita kërkesat për respektimin e të drejtave dhe sigurisë së tyre. I kam bërë thirrje komunitetit ndërkombëtar që të angazhohet më konkretisht në të gjitha këto çështje”, shkruan Vuçiç.

LEXONI GJITHASHTU: 

• Kurti refuzoi takimin dhe vendosi kushte, Rama: Do të flas nesër nga Prishtina
• Rama nesër në Kosovë, Kurti: Nuk e takoj nëse nuk do të ketë mbledhje të dy qeverive
• Kurti: Jam për zgjedhje të parakohshme në veri, çfarë më thanë ndërkombëtarët