Lame i përgjigjet Metës: Të kam bërë ftesë kur ishe president, të jepje shembull!

Kreu i Kadastrës, Artan Lame ka prezantuar disa nga arritjet e institucionit që ai drejton për vitin që lamë pas.

Lame u shpreh se në vitin 2022 janë dhënë 250 mijës certifikata pronësie për legalizim të banesave, të një prone të blerë apo një biznes.

Kreu i Kadastrës iu përgjigj edhe kreut të PL, Ilir Meta i cili pak ditë më parë deklaroi se shumë prona shtetërore janë ende të palegalizuara, përfshirë Presidencën.

Lame u shpreh se që në kohën kur Meta ishte president i ka bërë thirrje që ta regjistrojnë institucionin, por ka refuzuar.

“Meta deklaroi që prona shqiptareve është e pasigurt se kur vetë presidenca është e paregjistruar merreni me mend se ç’bëhet me pronën e shqiptarëve. 250 mijë familje që marrin certifikatën i jep përgjigje. Do i kujtoja Metës që kur ka qenë president i kam bërë thirrje publike ejani të regjistroni Presidencën dhe oborrin për ta shpëtuar nga kafshimet. Nuk u përgjigjën në atë kohë”, tha Lame.

LEXONI GJITHASHTU:

• Deputetja e PD-së: Nuk do t’i ndalim protestat derisa Rama të vijë në parlament
• Gazetarja: Zyrtarët e kadastrave të parët për korrupsion në Shqipëri