Deputetja e PD-së: Nuk do t’i ndalim protestat derisa Rama të vijë në parlament

Deputetja e Partisë Demokratike, Sorina Koti deklaroi se opozita nuk do t’i ndalë protestat brenda dhe jashtë parlamentit, derisa kryeministri Edi Rama të paraqitet në seancë plenare.

Në një intervistë për Euronews Albania, Koti u shpreh se Rama duhet të vijë në parlament dhe të japë llogari për çështjen e ish-zyrtarit të FBI-së, Charles McGonigal.

“Dje ka qenë seanca e radhës ku ne kemi vazhduar protestën tonë brenda parlamentit. Është seanca e katërt e cila nuk po zhvillohet normalisht për shkak të mungesës së fjalës së opozitës, për shkak të kërkesave që opozita ka depozituar në parlament, por mazhoranca nuk i ka miratuar, për mocion me debat dhe interpelancë me kryeministrin për të dhënë sqarime për çështjen me FBI-në.

Duke qenë se kryeministri i Shqipërisë është i përfshirë në disa afera, ne duam që kryeministri të jetë transparent me qytetarët shqiptarë, të japë llogari në Parlamentin e Shqipërisë. Ne kemi qenë në protestë, brenda dhe jashtë. Ne do vazhdojmë të protestojmë”, theksoi ajo.

LEXONI GJITHASHTU

• “Alibeaj, jo në lartësinë e duhur”, Ferdinand Xhaferaj: S’ka bërë një mbledhje
• Sali Berisha shpalos skenarin e 3 marsit: Do protestojmë kudo që shkon Rama
• “S’ke shans”- Berisha sfidon Ramën: Destabilizim total po pengove komisionin hetimor