“Alibeaj, jo në lartësinë e duhur”, Ferdinand Xhaferaj: S’ka bërë një mbledhje

Deputeti i Partisë Demokratike, Ferdinand Xhaferaj thotë se Enkelejd Alibeaj nuk ka qenë në lartësinë e duhur dhe nuk ka bërë mbledhje të Grupit Parlamentar.

Në një intervistë për Euronews Albania, Ferdinand Xhaferaj u shpreh se nga ana tjetër, Sali Berisha është treguar më radikal.

Megjithatë, sipas tij, Berisha nuk tërheq dot elektoratin gri, për të cilën ka nevojë Partia Demokratike.

“Unë marr pjesë në Grupin Parlamentar të PD-së zyrtare. Ky është problemi që kemi me zotin Alibeaj. Nga njëra anë, Berisha është radikal dhe largon në prag të zgjedhjeve lokale, masat e elektoratit gri, shumë të domosdoshme.

Kurse Alibeaj ka qenë jo në lartësinë e duhur për t’u faktorizuar në mënyrë konstruktive dhe për të mbushur këtë hendek që ekziston brenda opozitës. Jemi te ky hendek”, theksoi ai.

LEXONI GJITHASHTU

• Sali Berisha shpalos skenarin e 3 marsit: Do protestojmë kudo që shkon Rama
• “S’ke shans”- Berisha sfidon Ramën: Destabilizim total po pengove komisionin hetimor
• Berisha: Kosova është vendi ku shqiptarët jetojnë më mirë dhe më lirë