Avokati Adriatik Lapaj dhe dhe zv.ministri i Financave, Besart Kadia debatuan në emisionin Barometri në Euronews Albania lidhur me krizën e çmimeve në vend.

Sipas Lapajt, situata e krijuar nga rritja e çmimeve ka bërë që një popull i varfër siç janë shqiptarët t’ia dalin vetëm duke kursyer.

“Se këta kanë edhe alibi, që çmimet janë rritur gjithandej, e vetmja gjë që u ka ngelur shqiptarëve është të shtrëngojnë rripin”, tha Lapaj.

Sipas zv.ministrit Kadia, qeveria është e vetëdijshme për faktin se inflacioni dhe rritja e çmimeve është një fenomen i keq, por siç tha, ai i ka ardhur vendin për shkak të faktorëve të jashtë.

Në përgjigje të kësaj, Lapaj ironizoi duke thënë se “këtu vetëm çmimi i botoksit nuk është rritur, çdo gjë tjetër është rritur”.

LEXONI GJITHASHTU:

• Kriza e çmimeve varfëron shqiptarët, gjetjet e Barometrit
• Kriza e çmimeve varfëron shqiptarët, Lapaj: Ngelëm si barut i lagur që nga 90’