Lapaj: Ka fakte që shqiptarët dhunohen vazhdimisht në pikat kufitare fqinje

Një ngjarje e rëndë u raportua gjerësisht në media ne pikën e kalimit kufitar me Malin e Zi, në doganën e Muriqanit.

Një polic malazez ka dhunuar ish-këshilltarin e Presidentit të Republikës, njëherazi ekspert i njohur i ekonomisë, Petraq Milo.

Ndërkohë aktivisti Adriatik Lapaj në një intervistë për emisionin “Good Morning Albanians” në Euronews Albania është shprehur se rasti i Milos nuk është i pari pasi shqiptarët përballen shpesh me situata të tilla në kufijtë e rajonit.

“Shtetasit e Republikës tonë nuk duhet t’i neglizhojnë këto sjellje. Kam informacion që shpesh shtetasit me pasaportë shqiptare janë subjekte të sjelljeve jo korrekte në kufijtë e vendeve fqinje. Ajo që unë kuptoj është se ne kemi një ndrojtje për shkak dhe të komplekseve që vijnë nga mënyra se si ka shkuar ecuria e vendit tonë në raport me dekomentacionin, lëvizjen ndërkombëtare.”- tha Lapaj.

Më tej ai theksoi se njerëzit duhet të ndjekin të drejtën e tyre dhe mos të lejojnë askënd që të cenojë dinjitetin e tyre.

LEXONI GJITHASHTU: 

• Arabia Saudite habit botën, mbjell grurë në shkretëtirë
• OBSH: Gripi i shpendëve, kërcënimi më i madh pas Covid-19