Lapaj: S’flasim dot për të drejtën se të marrin për budalla, po shkatërrohet ky vend

Avokati Adriatik Lapaj deklaroi se shoqëria shqiptare nuk ka moral dhe nëse flet për të drejtën, të marrin për budalla.

Në emisionin “Now” në Euronews Albania, Lapaj u shpreh se ka humbur sistemi i vlerave, për shkak se i korruptuari dhe i pandershmi, janë më të nderuarit.

“Marrëzi e madhe e turra-vrap kolektiv që ka ndryshuar rendin moral të shoqërisë. Nuk kemi një bosht moral si shoqëri, të jesh i moralshëm, të flasësh për morali në shoqëri sot, është turp. Një shoqëri që vrapon pas parasë, që vrapon pas të padrejtës.

Kaq e thjeshtë duket kjo?  Nuk i flet dot një njeriu këtu për të drejtën sot se të marrin për budalla. Nuk ecën shoqëria pa një standard moral. Ka humbur sistemi i vlerave. Këtu, i korruptuari është burrë zotëri, i pandershmi është më i nderuari”, theksoi ai.

LEXONI GJITHASHTU

• Aleksandër Çipa: Arsyet pse jemi zhytur në korrupsion
• “Transparency International”: Shqipëria nuk përparon në luftën kundër korrupsionit
• “Si u vu në lëvizje SHBA nga korrupsioni i Ramës”, PD bën denoncimin e fortë