Largimi i mjekëve nga Shqipëria, Dollenberg: Rritja e pagave nuk e frenon

Rritja e pagave për mjekët specialist duket se nuk do të frenojë largimin e bluzave të bardha.

Sipas gjykimit të mjekes Aurora Dollenberg, politika mbajtëse duhen bërë për mjekët e rinj, të cilët në sondazhet e kryera nga Federata e Mjekëve Shqiptarë në Europë kanë nxjerrë në pah se arsyeja e largimit nga shqipëria nuk janë pagat por edukimi në vazhdim.

“Është pikërisht kategoria mjek i ri që po largohet, mjeku specialist është i etabluar në sistemin shëndetësor shqiptar dhe shpërblimin do e quaj shumë pozitiv, por duhet të mendohet për atë fraksionin e mjekve të rinj si ti motivojmë të mos largohen dhe ëshët pikërishte dukimi në vazhdim, që nënkupton specializimet me kuota të paguara e drejta për të bërë doktoratura është arsyeja pse ikin se duan një kariere të sigurt në vendet europiane”, u shpreh ajo.

Sa i takon deklaratës së kryeministrit se studentëve të mjeksisë do t’ju jepet diploma pas përfundimit të praktikës dhe jo të studimeve dollemberg e komenton:

“Të gjithë ata që startojnë të anazhohen që në momentin zero , e quaj një masë të rëndësishme, për të siguruar staf mjeksor për 5 vitet e ardhëshme, por nuk mund të zbatohet për ato që kanë nisur tashmë fakultetin ose e kanë mbaruar atë”, theksoi ajo.

Sipas të dhënave të Federatës së Mjekëve Shqiptarë në Europë, Shqipërisë i kanë ikur deri më tani 5000 bluza të bardha, 1500 prej të cilëve mjek të punësuar në Gjermani.

LEXONI GJITHASHTU

• Kosova pas 5 vitesh pa mjekë?! Në 15 muaj janë larguar me qindra infermierë
• Rama: Nuk financojmë studentë mjekësie që të shkojnë t’i shërbejnë popullit gjerman