Lautaro ’heroi’ i Inter, zikaltrit fitojnë Kupën e Italisë

Kupa e Italisë për sezonin 2022-2023 i takon Interit, me zikaltrit që mposhtën në finale Fiorentinën.

Një tjetër sukses për të besuarit e Simo Inzaghit, të cilët pak muaj më parë fituan dhe Superkupën ndaj Milanit, ndërsa shpresojnë për një tjetër trofe, atë të Championsit.

Përballja e zhvilluar në Olimpiko pa dy skuadra të uritura për fitore, por me Interin më kualitativ sa i përket organikës. Fiorentina shënoi e para me Gonazalez në minutën e 3’, ndërsa rezultati i përfundimtar do të vulosej që në fraksionin e parë.

Lautaro Martinez ishte në mbrëmjen e tij, ku shënoi dy herë në harkun kohor të 8 minutave dhe vulosur triumfin 2-1.

Në rrugët e qytetit nisi festa e tifozëve zikaltër, të cilët shpresojnë se skuadra e tyre mund të bëjë edhe më mirë në ndeshjet e mbetura.

Kjo është hera e 9 që Interi fiton kupën e Italisë, ndërsa Fiorentina mbetet në kuotën e 6 trofeve.

LEXONI GJITHASHTU:

• Ish-portieri i Turqisë merkato tek Erzeni, për kë interesohet Volkan Demirel
• Nga veriu në jug, rritet interesi për pushime të shkurtra në Shqipëri