Lazio në ngërç total: Sarri-Lotito, një krizë pa zgjidhje

Situata te Lazio mbetet kritike. Marrëdhënia mes Maurizio Sarrit dhe presidentit Claudio Lotito është në pikën më të ulët, pa sinjale për pajtim. Takimi i fundit në Formello nuk solli asnjë zgjidhje konkrete.

Sarri po drejton një skuadër që nuk e ka ndërtuar vetë, fillimisht për shkak të bllokimit të merkatos dhe tani nga mungesa e vullnetit për ndërhyrje. Trajneri ka pranuar se disa afrime janë bërë pa konsultimin e tij, ndërsa Lotito ka riafirmuar kontrollin total mbi klubin. Tifozët janë të zhgënjyer, skuadra e paplotë dhe rreziku i largimeve të rëndësishme mbetet real.

Romagnoli është pranë largimit drejt Al Sadd, i tunduar nga një ofertë e majme, ndërsa mungesa e garancive për rinovim po e shtyn drejt ndarjes. Ai dhe Guendouzi kishin qëndruar vetëm për Sarrin. Dorëheqja e trajnerit mbetet një opsion, por ai ndihet i lidhur nga premtimi për të qëndruar deri në fund të sezonit. Lotito, nga ana tjetër, shmang shkarkimin për shkak të kostos së lartë. Një ngërç që dëmton vetëm Lazion.