Lë makinën ndezur në oborrin e banesës, hajdutët futen dhe e vjedhin

Persona të paidentifikuar kanë vjedhur ditën e martë një mjet në oborrin e një banese private në fshatin Sovjan të Maliqit.

Te njëjtët persona dyshohet të jenë autorët e vjedhjes së një dyqani në afërsi të po kësaj banese.

Pasi hynë në dyqan ata arritën të merrnin disa paketa cigare dhe sende ushqimore dhe me mjetin e vjedhur janë larguar me shpejtësi.

Sipas policisë lokale pronari e kishte lënë automjetin e ndezur çka ua ka lehtësuar “punën” hajdutëve.

Ka qënë vetë pronari ai i cili ka lajmëruar uniformat blu të cilët janë vënë menjëherë në lëvizje për zbardhjen e ngjarjes.

Policia dhe grupi hetimor po vijon punën për gjetjen e automjetit si dhe kapjen e autorëve.

LEXONI GJITHASHTU: 

• Zbardhet vjedhja e dyqanit të celularëve te “Myslym Shyry”, identifikohet autori
• Grabitje me dhunë në një dyqan celularësh në Tiranë, largohet autori