Lecaj: Shqiptarët në Ukrainë janë të paorganizuar

Gjatë një analize të thelluar me analistë dhe njohës të marrëdhënieve ndërkombëtare, në studion e emisionit SOT në Euronews Albania, njohësi i komunitetit shqiptar në Ukrainë dhe njohësi i situatës në Ukrainë Jakup Lecaj tha se “situata është e vështirë”.

Ai tha se shqiptarët që ndodhen në Ukrainë nuk kanë kërkuar ndihmë dhe se janë të paorganizuar.

“Shqiptarët e Ukrainës nuk kanë plane, janë të paorganizuar. Në baza nacionale nuk kanë asnjë organizim, asnjë takim, asnjë bashkëbisedim se si do të sillen në rast lufte në Ukrainë”, tha Lecaj.

Ai shtoi se shqiptarët që jetojnë atje nuk kanë asnjë plan për luftë dhe se janë të vendosur të qëndrojnë në shtëpitë e tyre.

LEXONI GJITHASHTU: 

• Shqiptari nga Ukraina: Jemi gati për luftë