Deputeti Gështenja: Njoh Alibeajn si kryetar, por jo ankimin ndaj gjykatës

Deputeti Lefter Gështenja deklaroi se njeh si kryetar të PD-së Enkelejd Alibeajn.

Alibeaj është zgjedhur nga Këshilli Kombëtar si një ndër 4 nënkryetarët e Partisë Demokratike, tha ai ndërsa argumentoi qëndrimin e tij në studion e “Now”, në Euronews Albania.

Kur 2 nënkryetarë u larguan dhe Jorida Tabaku nuk pranoi pozicionin, ushtrimin e kësaj detyre e mori automatikisht Enkelejd Alibeaj.

Ndërkohë, nga ana tjetër, Gështenja pohoi se nuk i konteston vendimet e gjykatës.

Për ish-anëtaren e kryesisë së PD-së, Endira Bushatin, kjo është kontradiktore, duke qenë se Alibeaj, ai që njihet nga Gështenja si kryetar partie ka kontestuar gjykatën.

“Kë pyeti Alibeaj për të bërë ankimim kundër gjykatës,”  – pyeti Bushati ndërsa shtoi se jemi para një deficiti demokratik.

Sipas saj është statuti ai që rekomandon që kreu i PD-së zgjidhet nga Këshilli Kombëtar dhe jo nga sekretari i përgjithshëm.

LEXONI GJITHASHTU:

• Ristani për Bardhin dhe Alibeajn: Emërojnë njëri-tjetrin në detyra që s’i kanë