Lesi: Meta luan i nxjerr nga kafazi, po luan për këshillat bashkiakë

Gazetari Nikoll Lesi, tha se Ilir Meta tani është një luan i dalë nga kafazi, teksa ka komentuar ndikimin e tij në opozitë.

Në një intervistë për Euroneës Albania, Lesi theksoi se kreu i Partisë së Lirisë po luan taktikisht mirë për këshillat bashkiakë.

“Meta është aktor i vjetër në politikë, është një luan i nxjerr nga kafazi, ka urinë e luanit brenda, mendoj se po loz taktikisht mirë për këshillat bashkiakë. Ai nuk po loz për kandidatët për kryetarë bashkie, por po bën një rrugë e dy punë. E para forcon partinë e lirisë me vota nga këshilltarët dhe ka çelësin në çdo Këshill bashkiak.

Meta thotë që faturën ta marrë Berisha për kandidatët, ndërsa ai loz për këshillat bashkiakë. Nuk e besoj që Metën e përjashtuan nga PES, kjo nuk e dëmton koalicionin Berish-Meta.”- tha Lesi.

Më tej ai theksoi se nëse Apeli vendos për Enkelejd Alibeajn, punët trazohen në opozitë, dhe më pas do të ketë një front të madh opozitar të rrezikuar.

LEXONI GJITHASHTU:

• “Partia i takon Berishës”, Lesi: Ndërkombëtarët po luajnë që ta marrë Alibeaj
• Mbledhja e Alibeajt me grupin e PD, pritet të diskutohet propozimi i Edi Palokës