Lëvizja “Shqipëria Bëhet” mbështet kandidatin e pavarur për Bashkinë Vlorë

Lëvizja Shqipëria Bëhet do të mbështesë kandidatin e pavarur, Dionis Sota për Bashkinë Vlorë. Në njoftim Shqipëria Bëhet ka uruar kandidatin dhe shkruajnë se e inkurajojnë Sotan të mbledhë firma nga qytetarët.

“Pasi u njohëm me kandidaturat e pavarura në Bashkinë Vlorë, duke i vlerësuar për qytetarinë e tyre dhe në koherencë me propozimin dhe angazhimin tonë, kryesia e Lëvizjes Shqipëria Bëhet ka vendosur të mbështesë Z. Dionis Sota. I urojmë suksese dhe e inkurajojmë të nisë procedurën e mbledhjes së firmave nga qytetarët si kandidat i pavarur”, thuhet në një njoftim të Shqipëria Bëhet.

Dionis Sota ka shpallur të martën kandidaturën e pavarur nga partitë politike për kryetar bashkie në në qarkun e Vlorës. Ai ka prezantuar planin e tij për “Një Vlorë Evropiane për të gjithë”. Ai gjithashtu në postimin ku njoftoi kandidaturën listoi pikat ku plani i tij do të fokusohet që nga transparenca mbi buxhetin tek start-up për rininë.