Lëvizje në Kryeministri në prag të formimit të qeverisë së re: Takimet e Ramës

Ministrja e Shtetit për Sipërmarrjen, Delina Ibrahimaj, është parë këtë të martë duke hyrë në ambientet e Kryeministrisë, e shoqëruar nga ish-ministri i Financave, Ervin Mete. Vizita e tyre vjen në një moment kyç, pak ditë para formimit të kabinetit të ri qeveritar.

Takimi ka zgjatur vetëm 20 minuta për ish-ministrin Mete, i cili është filmuar duke dalë i vetëm nga godina e Kryeministrisë.

Më pas në ambientet e Kryeministrisë ka shkuar zëvëndëskryeministrja Belinda Balluku, e cila ndodhet ende në një takim me Ramën.

Kujtojmë se pas tre javësh pushimi në vilën qeveritare në Dhërmi, kryeministri Edi Rama është rikthyer të hënën në zyrën e tij në Tiranë. Në ditët në vijim pritet mbledhja e Asamblesë Kombëtare të Partisë Socialiste, ku Rama do të prezantojë përbërjen e kabinetit të ri, i njohur si “Rama 4”.

Me interes pritet të shihet lista e emrave që do të drejtojnë qeverinë në mandatin e ardhshëm.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Pas pushimeve në Dhërmi, Rama rikthehet në zyrë: pritet Asambleja e PS dhe “qeveria”
• Rama sulmon me emër gjyqtarin: Pse pengon lirimin e “tokës së xanun”