Lëvizte me automjet për të shitur një armë zjarri, arrestohet 20-vjeçari në Shkodër

Në kuadër të aksioneve të njëpasnjëshme të Policisë, me objektiv identifikimin dhe arrestimin e shtetasve që posedojnë armë zjarri, pa leje, dhe përbëjnë rrezik për sigurinë publike, Policia Shkodër finalizuan operacionin “Vendtakimi”.

Gjatë operacionit u vu në pranga shtetasi me iniciale M. N., 20 vjeç, banues në fshatin Hot i Ri.

Shërbimet e Patrullës së Përgjithshme ndërhynë menjëherë për të ndaluar në lagjen “Skënderbeg”, automjetin me të cilin lëvizte i arrestuari. Nga kontrollet, u gjet në çantën e këtij shtetasi, një armë zjarri pushkë me municion luftarak, e cila posedohej pa leje, me qëllim shitjen. Arma e zjarrit pushkë me municion luftarak, është sekuestruar.

LEXONI GJITHASHTU:

• Ushtria e Sudanit ripushton pallatin presidencial pas dy vitesh luftë
• Presidenti portugez shpërndan parlamentin, zgjedhjet do të mbahen më 18 maj