Lëvizte me pistoletë nëpër Tiranë, arrestohet në gjende të dehur 39-vjeçari (EMRI)

Policia e Tiranë ka arrestuar 39-vjeçari Fatmir Musteqja, banues në Kamzë, pasi lëvizte me armë zjarri.

Gjatë operacionit “Blue Smart”, 39-vjeçari është kapur me pistoletë në makinën e tij, ndërkohë që ishte në gjendje të dehur.

Si rezultat i këtij operacioni, u bllokua automjeti me të cilin qarkullonte.

“Në kuadër të operacionit “Blue Smart”, shërbimet e Policisë i kanë kryer edhe testin e alkoolit, drejtuesit të automjetit dhe rezultoi se 39-vjeçari e drejtonte automjetin, në gjendje të dehur, në masën 0.564 ml/g. Në përfundim të veprimeve, specialistët e Seksionit për Hetimin e Krimeve të Komisariatit të Policisë Nr. 5 arrestuan në flagrancë shtetasin F. M., 39 vjeç, banues në Kamzë”, thuhet në njoftimin e policisë.

LEXONI GJITHASHTU:

• “Më 14 maj do votohet në 61 bashki”, Balla: S’ka ndryshime në ndarjen territoriale
• Shoferi godet policin në Vlorë, efektivi përfundon në spital
• Dashamirësit e Vuçiçit në Tiranë nuk duhet të sulmojnë Kosovën, thotë Zotaj