Liderët e 6 vendeve të Ballkanit Perëndimor, mes tyre edhe kryeministri Edi Rama do të jenë të enjten në një drekë pune në Bruksel me ftesë të presidentes së Komisionit Europian, Ursula von der Leyen.
- Advertisement -
Ky takim vjen në një kohë kur puna e komisionit të ri pritet të nisë në nëntor.
Një nga çështjet kryesore që pritet të diskutohet mes tyre është integrimi në Bashkimin Europian i Ballkanit Perëndimor.
Shqipëria synon që konferencën e dytë ndërqeveritare ta mbajë në tetor për t’u ndjekur nga një tjetër në fund të vitit ndërsa vitin e ardhshëm të mbahen dy konferencat e tjera, në mars dhe dhjetor të 2025-ës.