Liga e Kampionëve, Juventus pret Benfikën e Mourinhos

Liga e Kampionëve rikthehet nesër mbrëma, ku Juventus do të presë Benfikën në një përballje vendimtare për grupin. Një fitore ndaj skuadrës portugeze dhe më pas kundër Monacos do të vendosë bardhezinjtë në krye të listës së play-off-eve, por kombinimet e mundshme mbeten komplekse.

Trajneri Luciano Spalletti paralajmëroi për rrezikun e ekipeve portugeze: “Kur luan kundër Benfikës, po luan kundër historisë dhe identitetit të futbollit portugez. Lojtarët tanë duhet të jenë të gatshëm.” Ai shtoi se përplasja me José Mourinhon shton interes: “Në ndeshjet e tij, volumi i futbollit rritet dhe është një burim krenarie të jesh në stolin tjetër.”

Spalletti vlerësoi gjithashtu stilin e lojës portugeze dhe paralajmëroi për agresivitetin e Benfikës: “Ata do të kërkojnë të imponojnë identitetin e tyre në fushë. Do të jetë një ndeshje interesante.”

Sa i përket të ardhmes së tij, Spalletti tha se nuk ka vendosur ende për kontratën, duke theksuar se vlerësimet do të bëhen në fund.