“Ligji i qartë, por me dopio standard”, aktivistja: Kush ka para favorizohet

Aktivistja Edlira Çepani tha për “Review” në Euronews Albania se ligji nuk është i barabartë për të gjithë, ashtu siç duhet të jetë.

Sipas saj mungon humanizmi për ato shtresa që janë në nevojë, ndërsa personat me para favorizohen.

“Është specifikisht e shkruar në ligj që në raste të nënave që kanë fëmijë nën moshën 1-vjeçare, të ketë një pezullim të dënimit. Ligji është i qartë në disa gjëra, problemi është që ne shpesh herë kemi tendencën ta zbatojmë me dopio standard me mungesë të humanizmit dhe vëmendjes ndaj shtresave në nevojë,” – u shpreh Çepani.

Aktivistja tha se është për të ardhur keq se si atyre që kanë më shumë pushtet iu gjenden hapësirat ligjore, ndërsa ligji aplikohet bardhë e zi, pa u menduar gjatë, për personat që jo vetëm nuk kanë pushtet ekonomik, por as nuk kanë informacion.

LEXONI GJITHASHTU:

• Arrestimi i nënës lehonë, Malaj: Pasojat më të rënda bien mbi fëmijët
• Revolta e avokates: Nënës lehonë i ka ikur gjiri, kush do e dëmshpërblejë