Pas shpalljes “non grata” nga ana e SHBA-së të disa zyrtarëve në Maqedoninë e Veriut, vendi duket se po përgatit një ligj të ri.

Ndërkohë që do të jetë gjykata dhe prokuroria ajo që do të merret me hetimin e tyre,  qeveria ka vendosur që këta persona që janë në listën e zezë të mos marrin posta shtetërore.

Gazetarja Ferikan Iljazi tha në një lidhje direkte për Euronews Albania se përse qeveria e ka ndërmarrë këtë vendim , ndërsa theksoi se kjo është ende në fazën përgatitore.

“Duke marrë parasysh se është ende në fazë përgatitore, deri në këtë moment dihet vetëm që zyrtarë të Maqedonisë së Veriut, ata të cilët janë përgjegjës për luftimin  e korrupsionit, ata kanë menduar të ndalojnë të gjithë personat që gjenden në listën e zezë të marrin poste publike, madje edhe ata që janë në një marrëdhënie pune në ndonjë institucion shtetëror, atyre duhet t’u ndërpritet nëse vërtetohet se janë në listën e zezë.

Kjo për arsye se nëse SHBA gjen aq shumë prova sa për ti futur ata në listën e zezë, kjo do të thotë që dyshimet për korrupsion janë tejet serioze. Ky është një nga hapat e parë që ka ndërmarrë qeveria që nga momenti ku SHBA-të i kanë shpallur luftë korrupsionit. Qeveria nuk mund të bëjë diçka për këta persona, vetëm nuk do i lejojnë të futen në sistemin e shtetit apo të kenë detyra”,-tha Ferikan Iljazi.

LEXONI GJITHASHTU:

• Kurti fushatë në RMV, analisti: Aventurë e rrezikshme në dëm të shqiptarëve
• Ramadani: RMV ka çmimin më të ulët të naftës se Kosova dhe Shqipëria