Lëvizja Vetëvendosje e kryeministrit të Kosovës, Albin Kurti është përfshirë edhe zyrtarisht në garën për pushtet në Maqedoninë e Veriut duke iu bashkuar koalicionit të opozitës shqiptare në një koalicion.

Kryetari i Lëvizjes Demokratike, Izet Mexhiti shkroi në Facebook se në hapjen e zyrës së përbashkët të këtij koalicioni në Shkup mori pjesë edhe Bekim Qoku, këshilltar i Kurtit.

Sefer Selimi, analist në Maqedoninë e Veriut tha në një intervistë për Euronews Albania shënon një precedent të rrezikshëm në rajon që mund të kthehet në bumerang për shqiptarët.

“Përmes kësaj ndërhyrjeje Kurti po i hyn një aventure të rrezikshme duke hapur “kutinë e Pandorës” që mund të përhapet në rajon dhe të krijohet ndonjë precedent që mund t’i kthehet si bumerang Kosovës dhe shqiptarëve. Do jetë shumë e lehtë që Vuçiçi të futet në zgjedhje në RMV apo në Mal të Zi përmes përfaqësuesve të vet dhe kjo do krijonte kaos në rajon”, tha analisti.

LEXONI GJITHASHTU:

• Petkoviç akuzon Kurtin për mbështetje të protestave në Beograd
• Përplasjet me Albin Kurtin/ Behluli: Arifi e pagoi faturën, mori vetëm 1000 vota