Ramadani: RMV ka çmimin më të ulët të naftës se Kosova dhe Shqipëria

Edhe pse vazhdimisht ka pasur ulje dhe ngritje të çmimit të karburanteve në vendit tonë, përsëri duhet se në Shqipëri çmimi vijon që të jetë më i lartë sesa në Maqedoninë e Veriut apo në Kosovë.

Në bursa ka pasur ulje të çmimeve, por sipas ekonomistëve kjo gjë nuk është reflektuar në tregun shqiptar.

Kushtrim Ramadani, zv kryetar i Entit Rregullator të Energjisë në Maqedoninë e Veriut tha se në RMV çmimi i naftës dhe benzinës rregullohet në bazë të ligjeve të energjetikës dhe aktualisht ka çmimin më të lirë të hidrokarbureve se Shqipëria dhe Kosova

“Në RMV në vit importohen mbi 1 mld litra naftë. Gjendja e çmimit të karburanteve në RMV aktualisht është e qëndrueshme. Ka pasur tronditje në 2022 pas nisjes së luftës së Ukrainës, tan çmimet janë në nivelin e para luftës. Në RMV çmimi i karburanteve është i rregulluar në bazë të ligjeve të energjetikës, kështu që ERE çdo javë cakton çmimin aktual të karburanteve. Aktualisht tek ne çmimi i benzinës është 124 lekë dhe i naftës 122 lekë, edhe në krahasim me Kosovën është pak i lirë çmimi”, tha Ramadani.

LEXONI GJITHASHTU:

• Nafta ulet me 18% në bursë, në Shqipëri nuk reflektohet prej dy muajsh rënia
• Ndotet përroi i Gorishovës/ Nafta bruto që vjen me ujin dëmton të mbjellat në Cakran