Gjykata e Fierit ka vendosur arrest me burg për 17-vjeçarin Brolin Dalani nga Hambari i Cakranit, i cili është autori i plagosjes së bashkëmoshatarit të tij, Yldi Xhafa, tre ditë më parë në korridorin e Gjimnazit “Mustafa Hoxha” në Cakran. Ngjarja ndodhi në prani të shokëve dhe dy mësuesve.

Gjyqtarja e çështjes, Klodiana Kryeziu, dhe prokurorja Oljana Gjergjefi ishin përgjegjëse për shqyrtimin e çështjes, ndërsa avokati i mbrojtjes ishte Toto Avdiaj. Gjatë seancës, avokati mbrojtës argumentoi se klienti i tij ka probleme të shëndetit mendor dhe ka paraqitur dokumente nga familja për të mbështetur këtë pretendim.

Seanca u zhvillua pa praninë e familjarëve të tjerë apo përfaqësuesve të medias, përveç të atit të të akuzuarit. Pas shqyrtimit të provave dhe pretendimeve, gjyqtarja Kryeziu vendosi të shqiptojë masën e sigurisë “arrest me burg” për Brolin Dalanin.

LEXONI GJITHASHTU:

• Sherr mes adoleshentëve në një shkollë në Fier, plagoset me thikë 17-vjeçari
• “17-vjeçari u plagos në klasë në prani të mësueseve”, gazetarja zbulon shkakun