Një i mitur ka mbetur i plagosur me thikë pas një konflikti me një bashkëmoshatar të tij në një shkollë në Fier.
Policia tha se ngjarja ndodhi rreth orës 08:30, në fshatin Cakran, Fier, në ambientet e shkollës së mesme Cakran.
“Gjatë një konflikti të çastit mes dy nxënësve, njëri prej tyre shtetasi, B. D.,17 vjeç, ka goditur me mjet prerës në krah bashkëmoshatarin shtetasin Y. Xh, të (dy nxënës të kësaj shkolle). Shtetasi Y. Xh., u transportua në spitalin Rajonal Fier, për ndihmë mjekësore, jashtë rrezikut për jetën”, bëri me dije policia.
Ndërkohë, shërbimet e Policisë kanë kapur dhe shoqëruar, në Komisariat për veprime të mëtejshme shtetasin B. D, si dhe kanë sekuestruar në cilësinë e provës materiale mjetin prerës (thikë).
LEXONI GJITHASHTU:
- Kanosi me thikë një të mitur, procedohet penalisht 15-vjeçari në Shkodër
- Qëlloi me thikë 41-vjeçarin, arrestohet autori i ngjarjes në Vlorë
