Pas fitores së dytë në miqësoren e zhvilluar me Azerbajxhanin, kombëtarja shqiptare është gati të nis aventurën në kampionatin europian ‘Gjermani 2024″. Këtë të shtunë kuqezinjtë e drejtuar nga trajneri Silvinjo udhëtojnë drejt Dortmundit aty ku do të akomodohen në kampin bazë gjatë ditëve të qëndrimit në Gjermani për europianin.

Trajneri Silvinjo dhe stafi teknik kanë marrë vendimin përsa i përket listës zyrtare të lojtarëve për Kampionatin Europian. Nga 27-të lojtarët e përzgjedhur në listën paraprake vetëm portieri Simon Simoni nuk do të jetë në Europian.

Pavarësisht se nuk do të ketë mundësi të japë kontributin e tij në fushë portieri Simon Simoni do të udhëtojë me ekipin drejt Dortmundit në kampin bazë dhe do të qëndrojë me skuadrën në mbështetje të kuqezinjve.

LEXONI GJITHASHTU:

• U la jashtë Euro2024, Cikalleshi tërhiqet nga kombëtarja e futbollit
• Silvinjo e la jshtë Euro2024, reagon ashpër menaxheri i Uzunit: Nuk e meriton këtë