Lita: Rithemelimi, mburojë e Berishës, pse e çuan në Kushtetuese?

Gazetari Lavdrim Lita në një lidhje të drejtpërdrejt për Euronews Albania foli në lidhje me situatën e krijuar në politikë pas kërkesës që SPAK i bëri Kuvendit për heqjen e imunitetit në mënyrë që t’i hapet rrugë zbatimit të masës së sigurisë ndaj Sali Berishës.

Ai theksoi se Rithemelimi po bëhet mburojë e Berishës duke shtuar se kjo nuk është çështje e qytetarëve.

“Është e drejta e deputetëve të PD dhe të opozitës që të mbrojnë Berisha si ta mendojnë më mirë, me protesta, me zaptimin e PD-së. Kanë të gjithë të drejtën për ta mbrojtur nga akuzat, por kjo nuk është çështje e qytetarëve. Rithemelimi ka vendosur të bëhet mburojë e Berishës”-tha Lita.

Ish-kryeministrit i ishte caktuar masa detyrim paraqitje çdo të hënë, por ai kishte refuzuar tre herë resht të paraqitet para SPAK-ut, duke pretenduar se vendimi ishte në shkelje të Kushtetutës.

Në këto kushte SPAK ka ndryshuar masën nga detyrim paraqitje në “arrest në shtëpi”.

Kujtojmë se Berisha është i pandehur për aferën e privatizimit të ish-kompleksit sportiv Partizani, së bashku me dhëndrin e tij Jamarbër Malltezi.

LEXONI GJITHASHTU: 

• Mbytet aksidentalisht 38-vjeçari në Sarandë, çfarë deklarojnë familjarët
• U arrestua në Spanjë/Me tatuazhe, kapele dhe syze optike, si kamufloj Lulzim Berisha