Liverpol ‘shuplakë’ Man United, ‘Djajtë e kuq’ u mposhtën në klasiken angleze

Liverpooli ka dhuruar spektakël në Anfield, ku ka mposhtur Manchester Unitedin me rezultatin turpërues 7-0.

Vendësit dominuan çdo centimetër të fushës, duke mos i lënë asnjë mundësi kundërshtarit për të reaguar. Pjesa e parë do të mbyllej me rezultatin 1-0 me golin e shënuar nga Gakpo, ndërsa në të dytën porta e De Geas do të kthehej në një tabelë qitje.

Me nisjen e pjesës së dytë gjeti golin uruguaiani Nunez, më pas sërish Gakpo. Miqtë në shok të plotë psikologjik nuk mundën të reagojnë, ndërsa pësuan dhe 4 herë të tjera.

Salah me një dy golësh, Nunez që realizoi sërish, teksa kishte vend dhe për Boby Firmino, për të hipotekuar fitoren 7-0.

Kjo ishte hera e katërt në historinë e skuadrës së Manchester United që mposhtet me këtë rezultat. Në vitin 1926 u mposht nga Blackburn, në 1930 nga Aston Villa dhe në dhjetor të 1931 nga Wolverhampton. Me këtë 3 pikësh, Liverpooli ngjitet në vendin e 5-të në tabelë me 42 pikë, ndërkohë djajtë e kuq të tretët me 49 pikë.

LEXONI GJITHASHTU: 

• “Benz-i” përplas këmbësorin në Korçë, plagoset 60-vjeçari
• Harry dhe Meghan marrin ftesën në kurorëzimin e mbretit Charles