Lojtarët dhanë gjithçka në fushë, thotë Kurti pas humbjes me Greqinë

Me humbjen nga Greqia me rezultat 2-0 Kombëtarja e Kosovës i ka humbur të gjitha mundësitë që të sigurojë vendin e parë në Grupin 2 të Ligës C në Ligën e Kombeve.

“Dardanët” në katër ndeshjet e zhvilluara morën dy fitore dhe dy humbje nga të cilat kanë mbledhur gjashtë pikë, raporton KosovaPress.

Për humbjen ndaj grekëve ka reaguar edhe kryeministri i Republikës së Kosovës, Albin Kurti, i cili ka thënë se lojtarët dhanë gjithçka në fushë.

“Pavarësisht disa mungesave të rëndësishme, sfiduam deri në minutën e fundit. Veçanërisht në minutat e fundit kur barazimi dukej më afër se sa humbja. Lojtarët dhanë gjithçka patën, dhe kjo për tifozët është më e rëndësishmja”, ka shkruar Kurti në rrjetet sociale.

Ai më pas ka kërkuar që të fillojnë përgatitjet për ndeshjen e radhës.

“Le të fillojmë përgatitjet që tani për ndeshjen e ardhshme, për fitoren e radhës”, ka shkruar ai në fund.

Dy sfidat e radhës në Ligën e Kombeve Kosova i zhvillon në fund të muajit shtator kundër Irlandës së Veriut dhe Qipros.

LEXONI GJITHASHTU:

• Liga e Kombeve, Kosova me mungesa në ndeshjen ndaj Qipros
• Liga e Kombeve, short i vështirë për Shqipërinë dhe Kosovën