Lot dhe trishtim! Shokët e 14-vjeçarit e përcjellin atë për në banesën e fundit

14-vjeçari i vrarë me thikë mesditën e të hënës (18.11.2024) pranë shkollës “Fan Noli” në Tiranë, është përcjellë sot për në banesën e fundit.

Miq të tij dhe shokë të skuadrës së futbollit ku ai luante janë shfaqur të përlotur e me lule në duar ndërsa mbajnë homazhe për bashkëmoshatarin e tyre, ëndrrat e të cilit u prenë në mes nga një sherr mes të miturve.

Ngjarja e cila tronditi Tiranën, mendohet të ketë ardhur si pasojë e një konflikti të nisur mes adoleshentëve në rrjetet sociale, konflikt ky që më ps ka shkaktuar konfrontim fizik mes tyre.

Nga sherri ka mbetur i plagosur me thikë edhe një 14-vjeçar tjetër, i cili ndodhet jashtë rrezikut për jetën.

Gjithashtu autorit i është komunikuar masa e arrestit. Ai ndodhej në një spital privat, aty ku mori mjekim për një plagë që kishte në dorë pas sherrit. Në konfliktin direkt u përfshin 3 adoleshentë: viktima Martin C., shoku i tij L.M., që ishte nxënës në shkollën private “Mustafa Qemal Atatürk” në Sauk, dhe autori, i cili po ashtu ishte nxënës i shkollës “Fan Noli”.

 

View this post on Instagram

 

A post shared by Euronews Albania (@euronews_albania)

LEXONI GJITHASHTU:

• Flet mes lotësh gjyshja e shokut të 14-vjeçarit: E ëma e priste në shtëpi për drekë
• Vrau 14-vjeçarin, autori publikoi në rrjet thikën dhe dorën e gjakosur pas krimit