Luçiano Boçi kandidat i mundshëm në primaret e PD-së në Elbasan

6 nëntori ishte data e fundit për të mbledhur propozimet për kandidatët që do t’i nënshtrohen primareve në Tiranë, Elbasan e Durrës.

Deri më tani, zyrtarisht nuk ka të konfirmuar ndonjë kandidaturë në Elbasan, por flitet shumë se deputeti Luçiano Boçi mund të bëhet pjesë e primareve.

Gazetari i Euronews Albania, Renato Tafani pati një komunikim me Luçiano Boçin, teksa kandidatura e tij ende nuk është zyrtatizuar.

Është përfolur për dy kandidatura, Aurel Bylykbashi dhe Bledi Himçi, por ditët e fundit ka dalë edhe emri i Luçiano Boçit.

Ndërsa, procesi për marrjen e propozimeve dhe vetëkandidimeve për primaret e Partisë Demokratike në degën Durrës, do të shtyhet deri më 8 nëntor.

Lajmi është bërë e ditur nga Zyra e Shtypit dhe Komunikimit e kësaj force politike, përmes një njoftimi.

Deri më 13 nëntor, është koha që i jepet në dispozicion, Kryesisë dhe Këshillit Kombëtar të Partisë Demokratike, për të filtruar të gjithë kandidaturat.

3 dhjetori është koha e parashikuar në vendimin e Kryesisë së Partisë Demokratike, si koha e fushatës, ndërsa më 4 dhjetor, demokratët dhe simpatizantët e PD-së mund të votojnë për kandidatët.

LEXONI GJITHASHTU

• Primaret e PD, shtyhet deri më 8 nëntor afati për Durrësin
• ‘Nuk tërhiqem nga Primaret’, Berisha: Nuk i zëvendësoj me sondazhet
• PROFIL | Tre rivalët e PD-së për të sfiduar Erion Veliajn