‘Nuk tërhiqem nga Primaret’, Berisha: Nuk i zëvendësoj me sondazhet

Kryetari i Partisë Demokratike, Sali Berisha u shpreh në një deklaratë për mediat se pjesëmarrja në protestë është një kusht jashtëzakonisht i rëndësishëm për triumfin e opozitës ndaj këtij regjimi

“Do përpiqem për të bërë çdo gjë për një kthesë të rëndësishme të kësaj shoqërise dhe të këtij vendi. PD është e përqendruar në këtë kthesë, në realizimin e kësaj kthese të madhe.
Ndaj dhe unë zgjodha të bisedoj me ju së pari për axhendën tonë, e cila konsiston në protestën e fuqishme të orës 16:00 të datës 12 nëntor. Në të cilën pjesëmarrja juaj, e mbarë qytetarëve shqiptarë, është një kusht jashtëzakonisht i rëndësishëm për triumfin e opozitës ndaj këtij regjimi. Por shoqërisë shqiptare, ndaj këtij regjimi që mediat më të madha në botë e konsiderojnë shtet të falimentuar, në të vërtetë ky është një regjim monist i njëjtë me atë të Vietnamit, madje diktatura komuniste atje ka një performancë më të mirë ligjore se narkoshteti i Edi Ramës”, u shpreh Berisha.

Ai tha se nuk do të tërhiqet në asnjë moment nga procesi i primareve dhe në asnjë mënyrë nuk i zëvendëson ato me sondazhet.

LEXONI GJITHASHTU:

• Sali Berisha citon Barometrin: SPAK i pabesueshëm për shqiptarët
• Ngjela: Nëse e drejton Sali Berisha, PD do shpallet non grata nga Uashingtoni
• Emigrimi, Hoxhaj: Institucionet në Britani të paafta për të trajtuar si problem