Primaret e PD, shtyhet deri më 8 nëntor afati për Durrësin

Procesi për marrjen e propozimeve dhe vetëkandidimeve për primaret e Partisë Demokratike në degën Durrës, do të shtyhet deri më 8 nëntor.

Lajmi është bërë e ditur nga Zyra e Shtypit dhe Komunikimit e kësaj force politike, përmes një njoftimi.

Ndërkohë, për degët Tiranë dhe Elbasan, procesi përfundon mbrëmjen e sotme në orën 20:00.

“Interesi për Primaret është shumë i madh. Sot, datë 6 nëntor 2022, ora 20.00 mbyllet procesi i marrjes së propozimeve dhe vetëkandidimeve për degët Tiranë dhe Elbasan. Për degën Durrës, KOKOE ka vendosur që ky proces të shtyhet deri në datë 8 nëntor 2022, ora 20.00′, thuhet ndër të tjera në njoftimin e Zyrës së Shtypit dhe Komunikimit në Partinë Demokratike.

Për Bashkinë e Durrësit, Igli Cara shihet kandidati më potecial që do garojë në primare.

Gara për Tiranën pritet të jetë edhe më e luftuara, ku deri më tani 4 kandidatë janë regjistruar për të marrë pjesë në primaret e 4 dhjetorit.

Belind Këlliçi, Gerti Bogdani, Ilir Alimehmeti dhe Adriana Kalaja do të garojnë mes tyre, për të qenë kandidati i PD-së përballë Erion Veliajt.

Për Bashkinë e Elbasanit, pritet të kandidojnë Aurel Bylykbashi, Bledi Himçi.

Deri më 13 nëntor, është koha që i jepet në dispozicion, Kryesisë dhe Këshillit Kombëtar të Partisë Demokratike, për të filtruar të gjithë kandidaturat.

3 dhjetori është koha e parashikuar në vendimin e Kryesisë së Partisë Demokratike, si koha e fushatës, ndërsa më 4 dhjetor, demokratët dhe simpatizantët e PD-së mund të votojnë për kandidatët.

LEXONI GJITHASHTU

• ‘Nuk tërhiqem nga Primaret’, Berisha: Nuk i zëvendësoj me sondazhet
• Primaret në PD, Bozdo: do bëhet debat mes kandidatëve, fituesi del me balotazh
• PROFIL | Tre rivalët e PD-së për të sfiduar Erion Veliajn