Lufta Izrael-Palestinë/ Studiuesi shpjegon: Ja ku është zanafilla e konfliktit

Studiuesi i shkencave islame Mustafë Bajrami ishte këtë të diel i ftuar në emisionin “Review” në Euronews Albania për të folur rreth konfliktit izraelito-palestinez.

Ai tha se arsyeja e konflikteve mes këtyre dy vendeve ka nisur që pas luftës së dytë botërore, ku izraelitëve ju dha e drejta për të formuar shtetin e tyre, ndërsa palestinezëve jo. Kjo ka bërë sipas studiuesit që herë pas here palestinezët duke pretenduar se po i shkelen të drejtat të bëjnë të tilla sulme.

“Problemi palestinez gjenezën e ka  në fillim të shekullit të 20 e sidomos pas themelimit të shtetit të Izraelit në 1948, ku Izraelit i njihet e drejta që të krijojnë shtetin e tyre, por jo palestinezëve, atyre ju dha një autonomi i kufizuar. Koha pas kohe deri në ditët e sotme tokat palestineze tkurren thuajse njësoj si tokat shqiptare te ne në Ballkan.

Nxitur nga kjo gjendje pa shtet, të menaxhuar siç menaxhohen dhe administrohen nga Izraeli duke konsideruar se po u shkelen të drejtat e tyre elementare për mbijetesë, palestinezët herë pas here bëjnë këto që po bëjnë. A janë të arsyeshme? Sulmet ndaj civilëve asnjë njeri me pak mend nuk do i arsyetonte”,-tha studiuesi.

LEXONI GJITHASHTU:

• Shqipëria solidarizohet me Izraelin, i vendos flamurin në sheshin “Nënë Tereza”
• Kërkuan largimin nga Izraeli, mbërrijnë në vend 40 shqiptarët e parë