Pavarësisht luftës në Ukrainë, të dhënat kanë treguar se preferencat e udhëtimit për destinacionet e Evropës Lindore vazhdojnë të mbeten të njëjta si në vitin 2021.
Raporti i fundit i publikuar nga Komisioni Evropian i Udhëtimit (ETC) zbulon se me afrimin e sezonit të verës, interesi i evropianëve për destinacionet mesdhetare arrin kulmin.
Rreth 77 për qind e evropianëve kanë bërë tashmë plane udhëtimi midis prillit dhe shtatorit të këtij viti. Mbi gjysma e tyre, 56 për qind, planifikojnë të vizitojnë një vend tjetër evropian dhe 31 për qind të tjerë zgjedhin udhëtimet e brendshme, raporton SchengenVisaInfo.
Kjo do të thotë se edhe pse kishte disa paqartësi në lidhje me rimëkëmbjen e udhëtimeve dhe turizmit në BE, situata aktuale në Ukrainë nuk ka ndikuar në dëshirën e udhëtarëve për të vizituar një vend tjetër.
ETC tregon gjithashtu se tre vendet e para të preferuara për udhëtimin e ardhshëm ndërkombëtar të evropianëve janë Spanja, Italia dhe Franca. Këto destinacione ndiqen nga Greqia, Portugalia, Kroacia, Gjermania, Turqia, Britania e Madhe dhe Holanda.
LEXONI GJITHASHTU:
