Lufta| Përgatitje të reja në kufi e ajër, trupat ruse drejt Bjellorusisë

Presidenti i Ukrainës Volodimir Zelensky është plot shpresë se ushtria e tij po fiton në një luftë e cila duket se nuk ka një fund.

Presidenti rus Vladimir Putin nga ana tjetër deklaron se mobilizimi ushtarak do të përfundojë së shpejti  dhe trupat mund të mbërrijnë në vijën e frontit në çdo moment.

“Ata kanë ende njerëz për sulme.  Ata ende kanë mundësinë të terrorizojnë qytetet tona dhe të gjithë europianët, të shantazhojnë botën. Por nuk kanë asnjë shans, sepse Ukraina po avancon” shprehet i bindur presidenti Zelensky.

Gjatë këtij muaji SHBA dhe Gjermania do të furnizojnë Ukrainën me sisteme të rëndësishme mbrojtjeje, një sistem kundërajror për të neutralizuar sulmet e  praparojës me të cilat Moska justifikon humbjet në frontin e luftës.

Nga ana tjetër, Lukashenko pretendon se Perëndimi dhe Ukraina “kërcënojnë” territorin e Bjellorusisë dhe i ka bërë thirrje Moskës për ndihmë.

Trupat ruse do të fillojnë të shkojnë në Bjellorusi dhe të zënë pozicione në kufirin ukrainas. Nga ana tjetër, trupat ukrainase vazhdojnë stërvitjen në rast agresioni.

Në lindje, në Donetsk, Kryqi i Kuq i është përgjigjur kritikave të Zelenskit duke pretenduar se nuk lejohet të vizitojë të burgosurit e luftës në kampin Olenivka, që është nën kontrollin rus që nga viti 2014, duke shpjeguar se ata nuk mund të “hyjnë me forcë”. .

LEXONI GJITHASHTU:

• Putin: Nuk ka nevojë për sulme tjera masive ajrore në Ukrainë
• Elon Musk ‘hakmerret’ ndaj Ukrainës: ‘Nuk ju mbështes dot më’
• Vendet e BE-së ofrojnë trajnime në fushën e betejës për ushtarët ukrainas