“Lulja e Krishtlindjes” është një lule shumë e njohur dhe e dashur, që shpesh lidhet me festat e Krishtlindjeve.

Duke qenë se lulëzon edhe në stinën e dimrit, në Gjirokastër ka qenë mjaft e kërkuar për të zbukuruar për festën e Krishtlindjeve mjediset familjare.

“Kultivohet si bimë prej lashtësisë por kryesisht nga vitet 1800 pra rreth dy shekuj më parë kultivohet si bimë e Krishtlindjeve ose e festave të fundvitit, bima vjen kryesisht nga Azia  edhe në lashtësi kjo bimë e ka marrë këtë traditë kultivimi për festa fundviti sepse lulëzon ose skuq gjethet e saj të sipërme në periudhën dhjetor-janar”, thotë Kleanthi Mandi, kopshtar.

Prej një dekade kjo lule është kthyer në një simbol kryesor festiv në shtëpitë e gjirokastritëve dhe jo vetëm gjatë Krishtlindjeve.

“Tek ne është kthyer në traditë kjo lule Krishtlindje dekadat e fundit që çdo familje zbukuron ambientet e saj të brendshme me këtë lule për nga ngjyra e kuqe që kjo kanë gjethet e sipërme çdo shtëpi pra zbukuron ambientet festive të këtyre festave”, tregon ai.

Kjo lule do një kujdes të veçantë që në fillim të kultivimin e saj ndërsa me kalimin e viteve po i përshtatet ekomjedisit në vendin tonë.

LEXONI GJITHASHTU:

• Presidenti Begaj uron Krishtlindjen nga Mitropolia e Beratit
• Kremtohet Krishtlindja| Mbahet mesha në katedralen ortodokse “Ngjallja e Krishtit”