Kremtohet Krishtlindja| Mbahet mesha në katedralen ortodokse “Ngjallja e Krishtit”

Në mëngjesi e kësaj të mërkure është mbajtur kremtimi i meshës së Krishtlindjes në Katedralen “Ngjallja e Krishtit” në Tiranë. Krishtlindja është festa e dytë më e rëndësishmë në kalendarin e besimatrëve katolikë dhe orodoksë pas festës së Pashkëve.

Mesha ka nisur që në orën 8:30 të mëngjesit dhe ka përfunduar nga ora 11:00, ku edhe pas përfundimit të meshës, qindra qytetarë i janë drejtuar Katedrales duke iu lutur për mirësi, paqe, harmoni e dashuri.

Gazetarja e Euronews Albania, Anila Kolgjini ka raportuar nga Katedralja duke theksuar se mesha u mbajt nga kryepeshkopi Anastas Janullatos.

“Mesha e sotme u mbajt nga kryepeshkopi Anastas Janullatos i cili përcolli mesazhe mjaft të rëndësishme për të gjithë besimtarët, duke i uruar një vit të mbarë dhe me shpresë.

Ndryshe nga vitet e tjera, gjatë meshës nuk janë mbajtur pritje për shkak të gjendjes gripale të kryepeshkopit. Në meshë morën pjesë gjithashtu Kryeparlamentarja Elisa Spiropali dhe ministrja e Arsimit, Ogerta Manastirliu”, tha gazetarja Kolgjini.

LEXONI GJITHASHTU:

• Krishtlindja ortodokse në Ukrainë, besimtarët ndjekin shërbesën në terr
• Mesha e Krishtlindjeve, besimtarët ndjekin ceremonitë në Tiranë, Korçë dhe Shkodër