“Lumë” gjobash në Tiranë, pjesa dërrmuese për parkim të gabuar

Komisariati i Policisë Rrugore Tiranë bën me dije se gjatë javës që lamë pas janë arrestuar ose proceduar penalisht 27 drejtues mjetesh, për vepra penale në fushën e qarkullimit rrugor.

Përmes një deklaratë zyrtare, policia e Tiranës bën me dije se javën e fundit janë vensour 9170 masa administrative. Ajo që bie në sy është se shumica e gjobave, më shumë se gjysma, janë për parkim të gabuar të mjetit.

Janë vendosur gjithsej 9170 masa administrative, disa prej tyre:

• 197 masa për xhama të zinj;
• 499 masa për shpejtësi mbi normat e lejuara;
• 451 masa për përdorim të celularit gjatë drejtimit;
• 381 masa për mosvendosjen e rripit të sigurimit;
• 77 masa për mosvendosjen e kaskës mbrojtëse;
• 320 masa për mosdhënie përparësie këmbësorëve;
• 6069 masa për qëndrim të gabuar.

Gjithashtu bëhet me dije se janë bllokuar 16 automjete, për targa të huaja për verifikim, detyrime të palekuiduara dhe për mungesë dokumentacioni.

LEXONI GJITHASHTU:

• Në burg për tjetër krim, 33-vjeçari zbulohet të jetë “koka” e grupit të kokainës
• Kanosi me kallashnikov një person në restorant, arrestohet në Bruksel 30-vjeçari