Presidenti i Francës Emmanuel Macron këtë të enjte zbarkon në Serbi, vizita e tij e dytë në pesë vite.

Shefi i Elisezë krahas Beogradit do të vizitojë po ashtu Novi Sad.

Macron zbarkon në  Serbi në një kohë kur vetë Franca po përballet me një politikë të brendshme të paqëndrueshme, pas zgjedhjeve të jashtëzakonshme.

Sic thuhet në deklaratën për media Shefi i Elizesë  po zhvillon për një vizitë zyrtare dyditore në Serbi, me qëllimin e thellimit të mëtejshëm të marrëdhënieve dhe bashkëpunimit dypalësh në fushën e ekonomisë, shëndetësisë, energjetikës dhe kulturës.

 Të dy liderët do të diskutojnë gjithashtu çështje që lidhen me inteligjencën artificiale (AI), pasi Serbia do të marrë presidencën e Partneritetit Global për Inteligjencën Artificiale.

Gjithashtu, Macron do ta shfrytëzojë vizitën për të riafirmuar mbështetjen e Francës për rrugën evropiane të Serbisë.

Një tjetër çështje që Macron dhe Vuçic do të diskutojnë do të jetë edhe Kosova.

 Mediat ndërkombëtare po ashtu raportojnë se  dy lideret do të nënshkruajnë edhe një marrëveshje për shitjen e avionëve luftarakë.

LEXONI GJITHASHTU:

• Paralizë politike në Francë, Macron refuzon të emërojë kryeministren e majtë
• Vuçiç dhe ambasadori rus në Serbi diskutojnë për Kosovën