“Mafia kjo është”| Deputeti i PD: Pse Rama shkarkoi Bledi Çuçin

Deputeti i Partisë Demokratike, Asllan Dogjani, ishte i ftuar këtë të shtunë në emisionin “Review” në Euronews Albania ku komentoi shkarkimin e ministrit të Brendshëm, Bledi Çuçi.

Dogjani tha se shkarkimi lidhet me ngjarjen e rëndë në Fushë-Krujë, ku të afërmit e deputetit Rrahman Rraja rrahën barbarisht dy pjesëtarë të fisit Maja.

Dogjani tha se Rama e ndërmori vendimin e shkarkimit për të larguar përgjegjësinë nga vetja si dhe të heq vëmendjen publike nga ngjarja e rëndë.

“Largimin e ministrit unë e shikoj të lidhur me Edi Ramën, sa herë që Ramës i rrezikohet pushteti, për të shmangur përgjegjësinë e opinionit publik ai largon bashkëpunëtorët e tij. Kjo tregon se nuk i mban bashkëpunëtorët. E dyta ai e bën që opinion dhe media të mos merren me këtë ngjarje të rëndë por që të merren me largimin e ministrit të Brendshëm, edhe emërimin e ministrit të ri. Unë e vlerësoj një ngjarje të tmerrshme, pasi përcjell një panik dhe çon mesazhin se këtu fitohet vetëm me banda dhe rrezikohet çdo qytetar i Shqipërisë.

Dogjani shtoi se në Shqipëri vendosin bandat dhe mafia të cilat kontrollojnë territorin, ndaj të gjithë qyretarët duhet të ndihen të kërcënuar.

“Kjo tregon që qytetarët shqiptarë janë të gjithë të kërcënuar dhe nuk është problem i vetëm kësaj familjeje, por i gjithë shqiptarëve. Mafia kjo është, mafia kontrollon territorin, aty keni pikërisht një grup të caktuar që kontrollon territorin”, tha Dogjani.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Ekskluzive| Flet pronari i gurores: Bilbili donte para, ka ardhur me automatik
• Pse nuk preken Rrajat? Ish-oficeri: Xhelai më drejtoi armën në zyrë, i mbron shteti
• “Puna nuk mban më”- Zbardhet biseda e tensionuar në telefon mes fiseve Rraja e Maja