Makina e parkuar rrëshket dhe vret një person, pranga pronarit të mjetit në Bulqizë

Një ngjarje e rëndë ndodhi pasditen e djeshme në fshatin Shtushaj, të Bulqizës, ku një automjet tip Benz, i parkuar, rrëshkiti dhe vrau një person që ndodhen në oborrin e banesës së tij.

Në lidhje me rastin policia bën me dije se ka arrestuar drejtuesin e mjetit, i cili dyshohet se nuk e ka siguruar mirë automjetin e tij.

Materialet në ngarkim të tij i kaluan policisë për veprime të mëtejshme hetimore.

“Në vijim të informacionit të dhënë pasditen e djeshme, për një aksident të ndodhur në fshatin Shtushaj, Bulqizë, ju informojmë se në vijim të veprimeve procedurale të kryera nga specialistët e Sektorit të Policisë Rrugore, për këtë rast, është arrestuar në flagrancë shtetasi A. T., 39 vjeç, banues në Bulqizë, pasi dyshohet se për shkak se nuk kishte siguruar mirë, automjetin e tij tip “Benz”, automjeti ka rrëshkitur dhe ka rënë në oborrin e banesës së shtetasit I. D., ku e ka goditur këtë shtetas dhe për pasojë shtetasi I. D. humbi jetën”, thuhet në njoftimin e policisë.

LEXONI GJITHASHTU: 

• Makina përplas këmbësoren, plagoset 55-vjeçarja në Shkodër
• Vrasja e 16-vjeçares nga babai shqiptar në Itali, reagon drejtoresha e shkollës
• Veliaj: Në 19 maj Berisha do sillet forcërisht me policë në gjykatë