2 persona humbën jetën në një aksident të rëndë të ndodhur të hënën në aksin rrugor “Gjirokastër-Tepelenë”, në vendin e quajtur “Kthesa e Viroit”.
Aksidenti ndodhi rreth orës 14:00, një automjet tip “Volkswagen Caddy”, me drejtues shtetasin P. K., 58 vjeç, banues në Gjirokastër, është përplasur me një automjet tip “Mad” të Ushtrisë, që drejtohej nga shtetasi B. Gj., 54 vjeç, banues në Tiranë.
Si pasojë e përplasjes fatale, ka humbur jetën drejtuesi i mjetit tip “Volkswagen Caddy”, Pandeli Kalanderi, 58 vjeç, banues në Gjirokastër, shoferi i mjetit civil si dhe pasagjeri që ndodhej në këtë automjet, Shefik Salaria, 41 vjeç, banues Gjirokastër.
Gazetari i Euronews Albania në Gjirokastër Blerin Kore raportoi se automjeti i ushtrisë udhëtonte nga Gjirokastra në drejtim të Tiranës duke zhvendosur materialet e arkivit, ndërsa mjeti tjetër udhëtonte në krahun e kundërt, nga Tepelena në Gjirokastër.
Përplasja ka qenë e rëndë dhe e fortë, çka ka bërë që automjeti i ushtrisë të dalë nga rruga dhe të përmbyset në anë të lumit.
LEXONI GJITHASHTU:
- Detajet/ U përplasën sa bënë aksident, viktima e 3 të plagosurit po shkonin në punë
- Aksident i rëndë në Gjirokastër – Makina përplaset me mjetin e ushtrisë, 2 viktima
