“Mali i Zi përfituesi më i madh i Samitit”, Abazoviç: Arritëm marrëveshje konkrete

Kryeministri i Malit të Zi Dritan Abazoviç ishte këtë të martë në një intervistë për Euronews Albania pas përfundimit të Samitit të Procesit të Berlinit.

Ai tha se Mali i Zi ishte përfituesi më i madh i këtij samiti të mbajtur për herë të parë në Shqipëri, pasi siç u shpreh ai është i vetmi vend që do të kthehet me marrëveshje konkrete.

“Është arritur marrëveshja e cila nënkupton tregun e hapur për njerëz që punojnë në sektorin e mjekësisë, pra tashmë pa ndalime të gjithë mund të punojnë në Shqipëri, në Serbi në Kosovë, në Bosnjë dhe në Malin e Zi, kjo e hap një treg të mirë sa i takon shëndetësisë.

E dyta me rëndësi për Malin e zi, ishte pikërisht fakti që ne së bashku me presidenten e Sllovenisë dhe me ministren e Francës për integrimin evropian kemi bërë marrëveshjen për një qendër rajonale për integrim në Potgoricë. Ne jemi përfituesit më të mëdhenj në këtë Samit se kthehemi me diçka konkrete”,-tha Abazoviç.

LEXONI GJITHASHTU:

• Qeshi gjatë heshtjes për viktimat në Gaza-Izrael, lojtari francez kërkon falje
• Kryeministri i Autoritetit Palestinez kërkon ndaljen e sulmeve ajrore dhe bllokadës