Djajtë e kuq janë mposhtur edhe në derbin e dytë sezonal të Premier League ndaj Manchester Cityt, pas një përballje e cila rezultoi spektakolare, e fituar nga të besuarit e Guardiolës në shifrat 3-1.
Në Ethihad, vendësit dominuan në çdo centimetër katror të fushës ndaj Manchester United, edhe pse këta të fundit gjetën avantazhin me Marcus Rashford, me një supergol të britanikut. Pjesa e parë pa në avantazh të besuarit e Ten Haag, por vetëm në rezultat.
Fraksioni i dytë, i karakterizuar dhe nga gabime të lojtarëve të djajve të kuq regjistroi 3 gola për qytetarët të cilët barazuan me Foden, me sulmuesin që shënoi dhe golin e dytë, ndërsa Haaland vulosi triumfin 3-1. Norvegjezi përfitoi nga një gabim i Amrabat dhe mposhti Onanën.
Me këtë fitore Manchester City ngjitet në vendin e dytë në klasifikim me 62 pikë, 1 më pak se Liverpool kryesues. Vendi i tretë i takon ARsenalit, e më pas me radhë Aston Villa, Tottenham e Manchester United që kompletojnë zonën Europë.
Të dielën fitore regjistroi dhe Bournemouth ndaj Burnleyt në transfertë, duke u ngjitur në vendin e 12. Golat e Cluivbert dhe Semenyo sollën 3 pikët, por gjithashtu regjistruan fitoren e vetme për Bournemouth në 5 javët e fundit.
LEXONI GJITHASHTU:
- Kërkon t’i afrohet Juventusit, Milani përballet me Lazion
- Juventus nuk bind më, Chelsea fiton me spektakël
