Manaj vendos për të ardhmen, sulmuesi rikthehet në kampionatin turk

Emri i tij ishte ndër më të lakuarit sa i përket një ndryshimi të mundshëm të destinacionit për të ardhmen, por duket se Rey Manaj është i kënaqur tek Sivasspor.

Sulmuesi i kombëtares shqiptare i ka dhënë fund pushimeve e është rikthyer tek ekipi ku dhe mbylli sezonin e fundit, që padyshim mund të cilësohet si një rilindje e tij.

27-vjeçari ishte me pushime fill pas europianit, ndërsa tanimë që skuadra ka nisur pushimet është kthyer atje për tu bërë pjesë e fazës përgatitore.

Këtë gjë e ka konfirmuar skuadra e Sivasspor në rrjetet sociale, ku në një video të postuar me në qendër Manajn shkruan “Mirë se u ktheve mbreti i Sivas”, ndërsa një numër i madh tifozësh e pritën në aeroport. Manaj u përfol për një transferim të mundshëm këtë verë, ku interes kishte Besiktas, por dhe skuadra nga Italia e Spanja.

Duket se lojtari nuk do të lëvizë, të paktën dhe për sezonin e ri, duke qëndruar tek Sivasspor aty ku realizoi 18 gola, të cilët ishin tejet vendimtar për skuadrën e tij.

LEXONI GJITHASHTU:

• “Të shkruajmë historinë ndaj Spanjës”- Manaj premton maksimumin ndaj iberikëve
• Rey Manaj i pandalshëm, shënon golin e 18-të. Vlera i rritet miliona euro