Mancini me “mendjen” tek axurrët, dëshiron të rikthehet në kombëtaren italiane

Një vit më parë, ai u largua i pakënaqur dhe me dëshirën për të mos u rikthyer më, por Roberto Mancini ka ndërruar mendje. Tekniku i njohur, i cili fitoi kampionatin evropian me kombëtaren axurre, ka pranuar se një rikthim në kombëtare do të ishte një dëshirë e plotësuar dhe kurrsesi nuk do ta refuzonte. Në një intervistë për mediat italiane, Mancini bëri të ditur se do të ishte i gatshëm nëse kombëtarja e tij do të kishte nevojë, megjithëse kjo nuk dihet nëse do të ndodhë.

Aktualisht, Spalleti po bën një punë shumë të mirë me skuadrën dhe nuk pritet të ketë lëvizje në një kohë të shkurtër.

“Nuk i dihet kurrë në jetë. Është ende ekipi më i rëndësishëm në Itali. Kemi bërë gjëra të mrekullueshme, përveç rekordit 37 ndeshje pa humbje,” pohoi Mancini në reagimin e bërë.

Në vitin 2023, 59-vjeçari u largua nga axurrët, ku mori drejtimin e kombëtares së Arabisë Saudite, por aty gjërat nuk shkuan siç duhej dhe ai u shkarkua pak ditë më parë.

LEXONI GJITHASHTU:

• “Jam i ofenduar”- Garvina flet pas largimit të Mançinit: Duhet të më shihte në sy
• Sherri që solli dorëheqjen, flet për herë të parë Mançini pas largimit nga “axurrët”